Academia de l'aragonés

En 1986, a instancias d’o Consello d’a Fabla Aragonesa, s’achuntoron, amés de dita asociación, o Ligallo de Fablans de l’Aragonés, o Instituto de Estudios Altoaragoneses, o Rolde d’Estudios Nazionalista Aragonés, a Chunta Unibersitaria por a Reconoxedura y a Promozión de l’Aragonés, o Rolde de Fabla Aragonesa de Chaca, y l’Asociación Alasets de Benás, a es efectos de convocar o I Congreso ta ra Normalizazión de l’Aragonés, con l’obchectivo de creyar unas normas graficas comuns ta la nuestra luenga. Finalment, o 19 d’abril de 1987 s’apreboron as Normas Graficas de l’Aragonés en un congreso amplo e representativo, pero que no aconsiguió aplegar de plano a totas as voluntatz.

En chinero de 2005, deciueito anyadas dimpués, se tornoron a achuntar asociacions y personas en una asambleya historica celebrada en Uesca. En ixa asambleya s’aprebó lo Manifiesto por la unidad de la Lengua Aragonesa, que dimpués recibió l’adhesión de 4200 personas, 180 entidatz (asociacions, interpresas, clubs, sindicatos,...), 44 concellos, 5 comarcas y as deputacions provincials de Uesca y Zaragoza. Tamién en ixa asambleya de Uesca s’exprisó a necesidat de convocar un nuevo congreso con a firme decisión de sensibilizar a la sociedat aragonesa y creyar una autoridat lingüistica.

Dende ixe mesmo inte se prencipió a treballar en l’asociación Chuntos por l’Aragonés, y o 15 de chuliol de 2006, en o II Congreso de l’Aragonés, se creyó l’Academia de l’Aragonés, con l’aprebación d’as ordinacions y o nombramiento d’os primers miembros numerarios.

Haga clic en el enlace www.academiadelaragones.org/ para abrir la URL.