Qué femos?! Actividatz

L’Asociación Cultural Nogará Religada naixe en 1990 como una colla estable d’a Casa d’a Chovenalla d’o Casco Viello de Zaragoza, que desembolica toda mena d’actividatz (de chiqueta repercusión) dirichidas enta chovens arredol d’a cultura aragonesa.


Seguntes creixeba l’ Asociación, ísta se’n iba deseparando d’a Casa de la Chovenalla (1993) y mirando un espacio propio, que remató en l’apertura en 1996 d’a Escuela d’aragonés que tenió como obchectivo amostrar aragonés ta emplegar-lo en totz os aspectos d’a vida. Asinas va creixendo Nogará y en l’anyo 2000, con o local an que somos agora, a ideya d’Escuela d’Aragonés ye ya platera ta totz..


Se quiere fer un foco de dinamización social en os arredols de l’Asociación (o vico d’a Madalena) que nos faiga fer traya en a sociedat aragonesa en cheneral. Por ixo nos miramos de conchugar actividatz a nivel lingüistico y asociativo, con atras ludicas y de convivencia entre socios, alumnos y usuarios en cheneral, buscando a socialización en luenga aragonesa.


Asinas pues, Nogará para prous actividatz como son os cursos anuals, as Chornadas d’as luengas d’Aragón (que fan saber as actividatz de l’Asociación a la sociedat aragonesa), y bells atros actos como viaches, chentas y cenas, borinas, mesas informativas, presencia en ferias, ludoteca ta ninos, biblioteca, cursos de dulzaina y asinas asinas.


Qui viene a l’Asociación no troba so que una formación, tamién una forma de poder expresar-se d’alcuerdo con as suyas ideyas.

Última modificación: martes, 14 de febrero de 2012, 12:03