Menu Content/Inhalt
Inicio arrow Qué femos
Autibidaz PDF Imprimir
L’Asoziazión Cultural Nogará Religada naixe en 1990 como una colla estable d’a Casa de la Chobenalla d’o Casco Biello de Zaragoza, que desembolica toda mena d’actibidaz (de chiqueta repercusión) dirichidas enta chobens arredol d’a cultura aragonesa.
Seguntes creixeba l’ Asoziazión, ísta se’n iba deseparando d’a Casa de la Chobenalla (1993) y mirando un espazio propio, que remató en l’apertura en 1996 d’a Escuela d’aragonés que tenió como obchetibo amostrar aragonés ta emplegar-lo en toz os aspectos d’a bida. Asinas ba creixendo Nogará y en l’año 2000, con o local an que somos agora, a ideya d’Escuela d’Aragonés ye ya platera ta toz..
Se quiere fer un foco de dinamizazión sozial en os arredols de l’Asoziazión (o bico d’a Madalena) que nos faiga fer traya en a soziedá aragonesa en cheneral. Por ixo nos miramos de conchugar actibidaz a nibel lingüistico y asoziatibo, con atras ludicas y de conbibenzia entre sozios, alumnos y usuarios en cheneral, buscando a sozializazión en luenga aragonesa.
Asinas pues, Nogará para prous actibidaz como son os cursos anuals, as Chornadas d’as luengas d’Aragón (que fan saber as actibidaz de l’Asoziazión a la soziedat aragonesa), y bels atros actos como biaches, chentas y zenas, borinas, mesas informatibas, presenzia en ferias, ludoteca ta ninos, biblioteca, cursos de dulzaina y asinas asinas.
Qui biene a l’Asoziazión no troba su que una formazión, tamién una forma de poder exprisar-se d’alcuerdo con as suyas ideyas.