Menu Content/Inhalt
Inicio arrow Puestos
Puestos PDF Imprimir

A escuela d'aragonés

Dende a suya creyazión, Nogará s´alazetó en a esfensa ista luenga aragonesa, tan malmesa por sieglos de xublido y recule. Por ixo dende de Nogará se creyó a primer escuela estable de luenga aragonesa. Dende o primer día enta acá l´ochetibo fue y ye una amostranza digna de l´aragonés, mirando-se de formar mayestros, y parando cuenta en asuntos lingüisticos -de cara enta ir amillorando china-chana o ran d´aragonés- y pedagochicos.

   En istos años, bels zentenars d´alumnos han aprendiu l´aragonés con nusatros, y ye un buen siñal que buena parte no lo dixase en rematar os cursos, y continase benindo ta Nogará, y leyendo y charrando en ista luenga. 

   No ye mica optimista dezir que Nogará ye estada uno d´os zentros más importans de l´aragonés en os zaguers años. Nogará ufre dos rans d´aragonés, o primero ta enzetar y tener un buen alazet, y o segundo ta fer que l´aragonés pueda estar charrau por os alumnos con normalidat, y con zierta correczión. En o curso 2002/2003, por exemplo, bi abió seis grupos, tres de cada ran.

Tot isto en a carrera Gavín, 6, d'o bico zaragozano d'a Magdalena