Menu Content/Inhalt
Inicio arrow 1º Ran
1º Ran PDF Imprimir

Toz os años a Escuela d’Aragonés Nogará ubre as suyas puertas con cursos de 1º y 2º ran presenzials, semipresenzials u a distanzia por Internet; a más d’ufrir seminarios, charradas, y cursos d’introduczión.

» Matricla per internet «

¿QUÉ UFRIMOS?

Ufrimos a posibilidat d'apender, conoixer y practicar a luenga aragonesa. Ta ixo, femos cursos d'aragonés d'una añada de durazión (de nobiembre a mayo) y de berano.  A más, tamién paramos cursez y seminarios ta atras asoziazions, conzellos e instituzions.

¿CÓMO FUNZIONAMOS?

As clases d'Aragonés se dibiden en dos cursos: un primer ran de conoiximiento d'a luenga y d'as suyas caracteristicas alazetals; y un segundo ran, de afundamiento en a luenga y perfeczionamiento. Istas clases d'aragonés se fan en diferens orarios y grupos. Por un regular, os más demandaus son: 1) lunes y miercols de 20 a 21h30; 2) miercols de 19 a 22h; 3) biernes de 19 a 22h; 4) sabado de 10 a 13h. A más, pendendo d’atros puestos, se pueden fer en atros orarios, como por exemplo, os chuebes de 20 a 22h en a Unibersidat.

Os contenius alazetals d'o curso se basan en un dossier que Nogará fa con as lizions y os textos que se i treballan, asinas como en bel atros materials didacticos, que contino son fazilitaus a l'alumno. Os cursos de berano tienen atro funzionamiento y por un regular son en o mes de chulio y/u setiembre todas as tardes entre semana, asinas nos miramos que se pueda rematar con un ran parellano a os que se fan mientres o curso escolar.

¿QUÉ CAL FER TA APUNTAR-SE-IE?

 

Tiens dos posibilidaz ta inscribir-te en os cursos, sía en a modalidat presenzial, semipresenzia, u a distanzia.

·         Benir ta l’Asoziazión Cultural Nogará (Carrera Gavín, 6, local, Zaragoza), de lunes a biernes de 7 a 9 d'a tarde.

·         Nimbiar un correu a con nombre y apellius, DNI, treballo, estudios, correu electronico, telefono y adreza, y día(s) y orario y ran d’o curso u cursos que i puez acudir.

En toz os casos, a matricla tien un pre de 75 euros, que se pueden pagar de tres trazas: sía fendo o ingreso en a cuenta bancaria y nimbiando un correu a con o rezibo escaneyau; sía fendo-lo igual pero deixando o rezibo en a mesma asoziazión; sía o primer día de clase (ta presenzials y semipresenzials).

Si tiens garra duda, puez meter-te en contacto con nusatros tamién por telefono 
976390708 u por correu electronico: